Түүнийг Ерөнхийлөгчийн Тамгын газрын Хэвлэл мэдээллийн албаны дарга Ц.Ганзоригийн гомдлын дагуу 2026 оны Аравдугаар сарын 10-ны үүрээр 48 цагийн хугацаатай баривчилсан. Улмаар Аравдугаар сарын 11-нд прокурорын саналыг үндэслэн 30 хоногийн хугацаатай цагдан хорих шийдвэр гаргасан юм.

Нийслэлийн прокурорын газраас Т.Шинэбаярт Эрүүгийн хуулийн 23.7 дугаар зүйлийн 1 дэх хэсэгт заасан “Нийтийн албан тушаалтныг заналхийлэх” гэмт хэрэгт холбогдуулан эрүүгийн хэрэг үүсгэж, яллагдагчаар татсан. Өмнө нь шүүхээс түүнийг 30 хоног цагдан хорих шийдвэр гаргахдаа прокурорын саналыг хүлээн авсан байна. Харин өнөөдрийн шүүх хуралдаанаар цагдан хорих таслан сэргийлэх арга хэмжээг хэвээр үлдээх эсэх, өөрчлөх эсэхийг хэлэлцэх юм.