Аж үйлдвэр, эрдэс баялгийн яамны мэдээллээр наймдугаар сард ОХУ-аас АИ-92, АИ-95 шатахуун импортлох гэрээ байгуулсан бөгөөд АИ-92-ын хэмжээг нэмэгдүүлэхээр тохиролцсон байна. Мөн сумдын шатахуун түгээх станцуудын хангамжийг эрчимжүүлэх чиглэлээр ажиллажээ.

Монгол Улс шатахууны хэрэгцээгээ дотоодын үйлдвэрлэлээр бүрэн хангадаггүй учраас дэлхийн газрын тосны үнэ болон олон улсын тээвэрлэлтийн нөхцөл байдал дотоодын зах зээлд шууд нөлөөлөх эрсдэлтэй.

Тиймээс энэ асуудал зөвхөн шатахууны үнэ төдийгүй тээвэр, хүнсний үнэ болон өрхийн зардалд нөлөөлөх боломжтой эдийн засгийн тухайд хамгийн "Эмзэг" асуудал хэвээр байна.