Gerelnews
Post

Улс төр

2026, 11-р сар 18}

Н.Учрал: Ерөнхийлөгчийн сонгуулийн товыг ирэх сарын 20-ноос өмнө тогтооно

С.СумхүүС.Сумхүү

Ерөнхийлөгч У.Хүрэлсүх бүрэн эрхээ хугацаанаас нь өмнө дуусгавар болгохоо мэдэгдсэнтэй холбогдуулан ээлжит бус сонгуулийн бэлтгэл асуудал болж байна. Ерөнхий сайд Н.Учрал сонгуулийн товыг арванхоёрдугаар сарын 20-ноос өмнө тогтоох талаар мэдээлж, МАН-аас нэр дэвшигчид тавих шаардлагыг мөн тодотголоо.


Монгол Улс Ерөнхийлөгчийн ээлжит бус сонгууль зохион байгуулах нөхцөл байдалтай тулгараад байна. Төрийн тэргүүн У.Хүрэлсүх өчигдөр (2026.11.17) албан тушаалаасаа чөлөөлөгдөх шийдвэр гаргаснаа олон нийтэд мэдэгдсэн бол өнөөдөр Ерөнхий сайд Н.Учрал дараагийн сонгуультай холбоотой асуудлаар байр сууриа илэрхийллээ.

Тэрбээр ерөнхийлөгчийн сонгуулийн товыг арванхоёрдугаар сарын 20-ноос өмнө тогтоохоор байна. Гэхдээ сонгуулийн үйл явц эхлэхээс өмнө УИХ Ерөнхийлөгчийн бүрэн эрхийг хугацаанаас нь өмнө дуусгавар болгох асуудлыг хэлэлцэн шийдвэрлэх шаардлагатай.

Парламент Ерөнхийлөгчийг чөлөөлөх шийдвэр гаргавал шинэ төрийн тэргүүн тангараг өргөх хүртэл УИХ-ын дарга Ерөнхийлөгчийн бүрэн эрхийг түр хэрэгжүүлэх зохицуулалттай.

Харин эрх баригч МАН-ын дарга Н.Учрал Ерөнхийлөгчид нэр дэвшүүлэх хүний ёс зүйд онцгой анхаарна гэдгээ мэдэгдэв. Тодруулбал, хүнд гэмт хэрэгт холбогдоогүй, ёс суртахууны өндөр шаардлага хангасан хүнийг нэр дэвшүүлэх зарчим баримтлана гэв.

Ийнхүү Ерөнхийлөгчийн хүсэлтийг УИХ хэрхэн шийдвэрлэхээс дараагийн сонгуулийн үйл явц хамаарах юм.

Холбоотой мэдээ

Сэтгэгдэл

Энэ агуулгын талаар санал бодлоо хуваалцаарай.

Сэтгэгдэлдээ хүндэтгэлтэй хандаарай.

0 / 350 тэмдэгт

0 Сэтгэгдэл

Сэтгэгдэл байхгүй байна. Анхны сэтгэгдлээ үлдээгээрэй!