Зураг үүсгэх хурд, чанарыг сайжруулжээ

OpenAI-ийн мэдээлснээр Images 2.6 загвар нь өмнөх хувилбараас 50 хувиар хурдан зураг үүсгэхээс гадна засвар хийх явцад дүрийн хувцас, бүтээгдэхүүний хэлбэр, өнгө зэрэг нарийн деталиудыг тогтвортой хадгалах чадвартай болжээ.

Мөн хэрэглэгчид энгийн ноорог зургаа оруулж, түүнд ямар хөдөлгөөн оруулахыг тайлбарлан GIF болгон хувиргах боломжтой. Тухайлбал, цаасан дээр зурсан шар шувууг далавчаа дэвж буй хөдөлгөөнт дүр болгох боломжтой аж.

Хөгжүүлэгчдэд зориулсан шинэ загварууд

Шинэчлэлийн хүрээнд OpenAI API ашигладаг хөгжүүлэгчдэд зориулан GPT-Image-2.6 Flare болон Sunburst гэсэн хоёр загварыг нэвтрүүлжээ. Flare нь хурдан зураг үүсгэхэд чиглэсэн бол Sunburst нь илүү нарийвчилсан, өндөр чанартай зураг бүтээхэд зориулагдсан байна.

Шинэ боломжийн хүртээмж Images 2.6 нь 2026 оны Арваннэгдүгээр сарын 4-нөөс ChatGPT болон Codex-ийн бүх төрлийн багцын хэрэглэгчдэд веб, компьютер, гар утасны хувилбараар нэвтэрч эхэлсэн. Харин GIF үүсгэх боломжийг үе шаттай нэвтрүүлж байгаа аж.