Гэр хорооллын дахин төлөвлөлтийн хүрээнд иргэд газраа чөлөөлж, оронд нь орон сууц авахаар барилгын компаниудтай тохиролцсон боловч зарим төсөл зогсох, барилгын ажил удаашрах зэргээс шалтгаалан иргэд тохирсон байраа авч чадаагүй байна. Үүний улмаас зарим иргэн олон жил түрээсийн байранд амьдрах, орон сууцгүй үлдэх нөхцөл үүсжээ.

Тэгвэл энэ асуудлыг шийдвэрлэх хүрээнд хохирсон иргэдийг төрөөс хэрэгжүүлж буй “Солонго” хороолол болон “Сэлбэ” дэд төвийн орон сууцжуулалтын төслүүдэд хамруулахаар төлөвлөсөн байна. Мөн уг асуудлыг шийдвэрлэх ажлыг зохион байгуулахыг Хот байгуулалт, барилга, орон сууцжуулалтын сайд Э.Бат-Амгалан болон Нийслэлийн Засаг дарга Б.Пүрэвдагва нарт даалгажээ.

Ингэснээр гэр хорооллын дахин төлөвлөлтөд газраа чөлөөлсөн ч орон сууцаар хангагдаагүй иргэдийг төрийн орон сууцжуулалтын төслөөр дамжуулан орон байртай болгох асуудлыг шийдвэрлэхээр болж байна.