Тус сургуулийг 1921 оны Аравдугаар сарын 15-нд Цэргийн зөвлөлийн шийдвэрээр “Ардын цэргийн даргын сургууль” нэртэйгээр байгуулж, сургалт явуулж эхэлжээ. Улмаар 1923 онд “Бүх цэргийн ерөнхий сургууль” болон шинэчлэгдсэн түүхтэй. Өдгөө Үндэсний батлан хамгаалахын их сургууль нь Монгол Улсын батлан хамгаалах салбарын хүний нөөцийг бэлтгэх, цэргийн болон аюулгүй байдлын чиглэлээр мэргэжилтэн сургах, судалгаа шинжилгээний ажил эрхлэх чиглэлээр үйл ажиллагаа явуулж байна.

Тус сургууль долоон бүрэлдэхүүн сургуультай бөгөөд 50 гаруй хөтөлбөрөөр 3,000 гаруй суралцагчид боловсрол эзэмшүүлж буй талаар албан ёсны цахим хуудсанд мэдээлжээ.

Эх сурвалж: Үндэсний батлан хамгаалахын их сургуулийн албан ёсны цахим хуудас.