ОХУ-ын Төрийн Думын ес дэх удаагийн сонгуулийн санал тоолох ажиллагаа үргэлжилж, эрх баригч “Нэгдсэн Орос” нам урьдчилсан дүнгээр тэргүүлж байна. Interfax (Интерфакс) агентлаг ОХУ-ын Сонгуулийн төв комиссын мэдээллийг эш татан, Есдүгээр сарын 21-ний өглөө санал хураалтын протоколын 87.91 хувийг боловсруулсны дараах байдлаар “Нэгдсэн Орос” нам нийт саналын 57.87 хувийг авсныг мэдээлжээ.

Урьдчилсан дүнгээр ОХУ-ын Коммунист нам 13.84 хувийн саналтайгаар хоёрдугаарт, Оросын Либерал ардчилсан нам 8.86 хувиар гуравдугаарт, “Шинэ хүмүүс” нам 7.94 хувиар дөрөвдүгээрт бичигдэж байна. Харин “Шударга Орос – Үнэний төлөө” нам 4.95 хувийн санал авч, Төрийн Думд намын жагсаалтаар суудал авахад шаардлагатай таван хувийн босгыг тухайн үеийн урьдчилсан дүнгээр давсангүй.

Interfax-ийн мэдээлснээр саналын 82.19 хувийг тоолоод байх үед “Нэгдсэн Орос” нам намын жагсаалтаас 130 орчим суудал авах тооцоо гарч, мөн нэг мандаттай 225 тойргийн 208-д нэр дэвшигчид нь тэргүүлж байжээ. Ингэснээр тус нам Төрийн Дум дахь Үндсэн хуульд өөрчлөлт оруулахад шаардлагатай олонх буюу 301-ээс доошгүй суудлаа хадгалах урьдчилсан төлөв гарчээ. 

Эх сурвалж: interfax.ru