Gerelnews
Post

Улс төр

2026, 11-р сар 16}

Ж.Баярмаа: Төсвийн орлогын 70 хувийг татвар бүрдүүлж байна, төсөв тэлэх тусам татвар төлөгчдийн ачаалал нэмэгдэнэ

Л.АззаяаЛ.Аззаяа

УИХ-ын гишүүн Ж.Баярмаа 2027 оны улсын төсвийн тэлэлт, орлогын эх үүсвэр болон төсвийн зарцуулалтын талаар байр сууриа илэрхийллээ. Тэрбээр ирэх оны төсөв өмнөх оныхоос найман их наяд төгрөгөөр нэмэгдэж байгааг онцлоод, төсвийн орлогын дийлэнх хувийг татвар төлөгчдийн бүрдүүлж буй орлого эзэлж байгааг шүүмжилсэн юм.


Түүний тайлбарласнаар улсын төсвийн орлогын бүтцийн 70 хувийг татварын орлого, үлдсэн 30 хувийг байгалийн баялгаас олох орлого бүрдүүлж байна. Өөрөөр хэлбэл, улсын төсвийн орлогын үндсэн эх үүсвэр нь иргэд, аж ахуйн нэгжүүдийн төлж буй татвар хэвээр байгаа гэсэн үг.

Энэ нөхцөлд төсвийн хэмжээ жилээс жилд нэмэгдэх нь түүнийг санхүүжүүлэх татварын орлогын хэрэгцээг мөн өсгөнө. Ж.Баярмаагийн үзэж буйгаар төсөв тэлж байна гэдэг нь нэмэгдсэн зардлыг санхүүжүүлэх хөрөнгийг татвар төлөгчдийн төлсөн татвараас бүрдүүлэх шаардлага дагадаг гэсэн үг юм.

Тэрбээр мөн 2027 оны төсвийн онцлогийг 2028 оны УИХ-ын сонгуультай холбон тайлбарлав. Тодруулбал, сонгуулийн жилд зарцуулах хөрөнгийг нэг жилийн өмнөх буюу 2027 оны төсөвт тусган баталж, улмаар сонгуулийн үеэр зарцуулах боломж бүрдэж байгааг шүүмжилсэн байна.

Ийнхүү Ж.Баярмаа 2027 оны төсвийн найман их наяд төгрөгийн өсөлт, татварын орлогоос хамаарах хамаарал болон сонгуулийн өмнөх жилийн төсвийн төлөвлөлтөд шүүмжлэлтэй хандаж, төсвийн тэлэлт татвар төлөгчдөд ямар ачаалал үүсгэх асуудлыг хөндлөө.

Холбоотой мэдээ

Сэтгэгдэл

Энэ агуулгын талаар санал бодлоо хуваалцаарай.

Сэтгэгдэлдээ хүндэтгэлтэй хандаарай.

0 / 350 тэмдэгт

0 Сэтгэгдэл

Сэтгэгдэл байхгүй байна. Анхны сэтгэгдлээ үлдээгээрэй!