Тэрбээр энэ онд нийслэлд 76 км дугуйн зам барьсан бөгөөд 2027 онд нэмж 115 км зам байгуулахаар төлөвлөсөн гэжээ. Шинэ замуудыг ашиглалтад оруулснаар Өнөр хорооллоос Амгалан хүртэл дугуйгаар зорчих нөхцөл бүрдүүлэхээр зорьжээ.

Мөн Туул гол дагуу экологийн цэцэрлэгт хүрээлэн байгуулж, дугуйн зам, явган хүний зам болон гүйлтийн зам байгуулахаар төлөвлөжээ. Зайсангаас төв талбай хүртэл гүүрэн байгууламж бүхий дугуйн замыг 2027 онд барихаар М-Си-Эс групптэй зөвшилцсөн талаар нийслэлийн Засаг дарга мэдээллээ.

Монголын дугуйн холбооны ерөнхийлөгч Б.Гүрсоронзон уулзалтын үеэр нийтийн биеийн тамирыг хөгжүүлэх, замын хөдөлгөөний аюулгүй байдлыг сурталчлах чиглэлээр ажиллаж байгаагаа танилцуулжээ. Мөн 2027 оны Наймдугаар сард “Gravel Gran Fondo Ulaanbaatar 2026 & Yam Trail Run” олон улсын дугуйн тэмцээнийг дахин зохион байгуулахаар төлөвлөсөн бөгөөд гадаадын 20 орчим тамирчин оролцох хүсэлтээ илэрхийлжээ.

 

Эх сурвалж: Нийслэлийн Засаг даргын Тамгын газрын хэвлэл мэдээлэл, олон нийттэй харилцах хэлтэс