Тус төрөлд нийт 18 улсын тамирчин оролцож, гурван гараанд хуваагдан өрсөлдсөн байна. Монгол Улсаа төлөөлөн “Алдар” спорт хорооны тамирчин, ОУХМ С.Жамбалжамц уралдсан юм.

 С.Жамбалжамц 42:58.06 цагийн амжилтаар гуравдугаар байрт шалгарч, хүрэл медаль хүртлээ. Казахстаны тамирчин Алексей Луценко 41:24.05 цагийн амжилтаар түрүүлсэн бол Японы Имамура Шүнсүкэ 42:58.04 цагийн амжилтаар мөнгөн медалийн эзэн болжээ.

Тэрбээр Азийн чансаанд хоёрдугаарт эрэмбэлэгдэж байсан бөгөөд тэмцээний гурав дахь гараанд сүүлээсээ хоёрдугаарт орж, улмаар хүрэл медалийн болзол хангасан байна.

Ийнхүү С.Жамбалжамц “Айчи-Нагояа 2026” Азийн наадмаас Монголын багийн анхны медалийг авчирлаа.

Түүний хувьд энэ нь Азийн наадмаас хүртэж буй хоёр дахь хүрэл медаль юм. С.Жамбалжамц өмнө нь “Ханжоу-2022” Азийн наадмаас мөн дугуйн спортоор хүрэл медаль хүртэж байсан билээ.