Тэрбээр БНХАУ-ын урилгаар хийх албан ёсны айлчлалын товтой ээлжит бус чуулганы хуралдааныг давхцуулсан нь санамсаргүй тохиолдол биш гэж үзэж байгаагаа хэлэв.

Л.Гантөмөр, “АН-ын дарга БНХАУ-ын урилгаар явж байгаа. Намын даргын явах өдрийг давхцуулж чуулган зарлаж буйг улс төрийн акц хийж байгаа гэж харж байна” хэмээн мэдэгдсэн юм.

Мөн парламентын үйл ажиллагааг улс төрийн өрсөлдөөний хэрэгсэл болгох бус, төрийн ажлыг хэвийн үргэлжлүүлэх зарчимд тулгуурлах ёстойг онцолжээ. Тиймээс ээлжит бус чуулганы товыг тогтоохдоо парламент дахь бүх талын оролцоо, боломжийг харгалзан үзэх шаардлагатай гэсэн байр суурийг илэрхийлэв.