Уг өргөдөлд одоогоор 7100 орчим иргэн дэмжиж гарын үсэг зурсан бөгөөд гарын үсэг цуглуулах хугацаа дуусахад 16 хоног үлдсэн байна.

Өргөдөлд хүүхдээ гурван нас хүртэл нь гэртээ асарч буй эхчүүдийн банк болон банк бус санхүүгийн байгууллагын зээлийн үндсэн төлөлтийг хойшлуулах, эсвэл зөвхөн хүү төлөх нөхцөлөөр зээлийн хугацааг сунгах боломжийг бүрдүүлэхийг хүсжээ.

Харин уг нийтийн өргөдөл 100 мянган гарын үсэгт хүрсэн тохиолдолд холбогдох УИХ-ын байнгын хороогоор хэлэлцэнэ. 

Өргөдөл санаачлагчийн зүгээс хүүхдээ асрах хугацаанд эхчүүдийн орлого буурч, зээлийн төлөлтөөс үүдэлтэй санхүүгийн дарамт нэмэгддэг тул зээлийн нөхцөлийг уян хатан болгох шаардлагатай гэж үзжээ.